so wie scho mängs johr, si mer gäuschränzer ou das johr weder e chli sportlech gsy.... mer hei nis weder einisch of d schii gwag.

mer si am fritig 20.3.09 met sack ond pack is simmetau gfahre gnau gno of zweisimmen, i öises schöne skiweekend.

es esch es guets weekend gsy , ou s wätter hets das johr guet met is gmeint. dr mario hets zwar emmer forusgseit (ähr het das met em mond so abgmacht...... was ou emmer ähr nemmt...) aber es het jedefaus gstomme. öis het d sonne nome so a glachet am samschtig. döu hei doch verzwieflet e wouche gsuecht am hemmu , aber herrgott es esch eifach keini ome gsy.

die einte hei sech am samschtig entschlosse för e chli schlettle ond loufe, was de doch fasch ane marathon gange esch , ond zwar ned da vo new york , nei es währ de dä vo davos, wöu dört werd dr bärgmarathon doregfüehrt, naja mer hei de öise en zwöisemme gmacht.  es esch herlech gsy , mer hei öisi chlinschte  em schnee chöne lo ometolle , ond ou s schlettle  esch guet inne cho. zwar rassant , ond mängisch met e chli gschrei , doch es esch loschtig gsy.

eg möcht zwar kei schiifahrer gse sy wo öis of der piste begägnet esch...

was de so öisi schiifahrer gmacht hei , gloubi met em marathon beni do ned so schlächt dranne. mer fuessgänger hei nis eifach ofs sportleche konzentriert, was de bim schiifahrer eher ofs schlöcke beschränkt worde esch... ! vom ghöre säge hei

se doch scho am morge am 11i die erschti bar heimgsuecht, ond gloub vor de 3ne esch de nüt me gange (freunde des alpinesports....) !

bimene feine znacht ässe hei mer nis de weder zäme gfonde, deheime i öisere gmüetleche hötte.

dä obe esch de nömme so läng worde. för die einte oder die andere het scho gly bettchössi gruefe. aber wie mer doch sy, mer sy herti sieche simmer de haut doch no blibe setze.

ond was me do ned auess för geischtigi gedanke het wenn me de so müed esch , es gröppeli het sech met stadt , land floss

vergnüegt, ond do si die gedanke nome so use quolle.... ! eifach wahnsenn was do eim so i senn chont z.b.

rubrik mobiliar : pillenkasten

rubrik sport : über den nil schwimmen (buechstabe n )

rubrik botanik : mauerblümchen

jo , ond so esch das de  s zieu worde vo däm speli, währ die originellschte oder bessergseit die enteligäntischte antworte cha

biete .

ond so esch de ou scho dr sonntig i drudlet, das esch emmer so chli es ghetz a däm tag . mer müesse de ufrume , versorge,

eifach s huus ou weder ine gfleget zuestand brenge. ond de göi de no es paar no einisch of piste , oder de ou grad hei.

do simmer emmer e chli flexibel.

ou eg ha mi de met minere fam. of e heiwäg gmacht. ond so simmer weder s simmethau netzig zue, mer si scho fasch donde gsy, do het s outo vor öis müesse not haut mache ( remo, papi , mami, susi ond die bede hönd )!

aber nei , es sy ned die bede hönd gsy wo hei müesse go nes bronsi mache , nei ... es chont ganz andersch.

do störtz doch dr paps usem outo met emene frottiertuech wie nes lätzli ome haus bonde, ond suecht die nöchscht glägni glägeheit om sech si mageennhaut z lähre..... !!

nach em drette mou büge is gras, het de ou ähr müesse säge    " es chont eifach nüt "   eg weiss ned wievöu vögeli ähr dört gseh het , aber öis het ou das chöne egau sy , wöu mer sy jo seriös gsy am vorobe.....

mer heis de glich no gschafft nach spiez . mer si de dört öpis gsy go ässe, dass heisst: eine ned.... ähr het de e boullion gno

met ei.

so , das währ so mi chli bitrag gsy vo öisem weekend . eg hoffe mer chöi ou s nöchscht johr weder zäme so schöni täg metenand verbrenge.... doch bes denn, müsse mer no mängisch schlofe .

eg hoffe es het ou öich e chli spass gmacht, dä brecht dorezläse.

bes gly

sändy j.